- O laboratorio galego é referente no control de biotoxinas mariñas e clave para a seguridade do sector marisqueiro e bateeiro. AESAN recoñece o seu labor.
O Instituto Tecnolóxico para o Control do Medio Mariño de Galicia (Intecmar) reafirmou o seu papel como centro de referencia no control de biotoxinas mariñas durante a visita da directora executiva da Axencia Española de Seguridade Alimentaria e Nutrición (AESAN), Ana López-Santacruz. Acompañada por responsables do Centro Nacional de Alimentación e do Laboratorio de Biotoxinas Mariñas de AESAN en Vigo, a delegación estatal puido coñecer de primeira man as avanzadas metodoloxías analíticas e a infraestrutura que permite a Intecmar liderar a vixilancia da calidade das augas e a seguridade alimentaria en Galicia.
Más de 10.000 análise ao ano para garantir a seguridade do sector
O traballo de Intecmar é crucial para o sector marisqueiro e bateeiro, que depende dun sistema de control rigoroso e eficaz para a detección de biotoxinas e a regulación da actividade extractiva. Con máis de 10.000 análise anual e a emisión de máis de 600 informes sobre o estado das zonas de produción, o laboratorio proporciona información crave para garantir a calidade dos moluscos bivalvos e a seguridade dos consumidores.
A detección temperá de biotoxinas permite aos mariscadores e bateeiros operar con previsión, minimizando o impacto económico dos peches temporais e asegurando a sustentabilidade da súa actividade. A extensa rede de puntos de mostraxe no litoral galego facilita unha resposta rápida e transparente ante calquera incidencia.
Liderazgo europeo en análise de biotoxinas
Intecmar consolidouse como un laboratorio de referencia non só a nivel nacional, senón tamén no ámbito europeo e internacional. Foi o primeiro centro en Europa en obter acreditación para análise histopatológicos de moluscos e o pioneiro en España en certificar o método analítico de referencia para toxinas lipofílicas mediante cromatografía de líquidos e espectrometría de masas.
Esta capacidade técnica sitúa a Galicia na vangarda da seguridade alimentaria mariña, asegurando que os produtos das súas rías cumpran cos máis altos estándares de calidade e reforzando a competitividade do sector nos mercados internacionais.
Un convenio crave para o futuro da vixilancia sanitaria mariña
Durante a visita, Intecmar e AESAN abordaron a renovación do convenio de colaboración que regula o labor do laboratorio galego como Laboratorio Nacional de Referencia de Biotoxinas Mariñas. Este acordo é esencial para manter e fortalecer a rede de control de biotoxinas, garantindo que Galicia siga liderando a vixilancia e seguridade dos produtos do mar.
A directora de AESAN, Ana López-Santacruz, destacou o papel fundamental de Intecmar na seguridade alimentaria mariña e eloxiou a excelencia e profesionalidade do seu equipo. A súa visita reforza o recoñecemento estatal ao traballo que se realiza en Galicia para protexer tanto o ecosistema mariño como a saúde dos consumidores.
O sector marisqueiro e bateeiro galego, altamente dependente destes sistemas de control, segue apostando pola investigación e o desenvolvemento de novas ferramentas que permitan unha xestión aínda máis eficiente e sostible dos recursos mariños. Neste contexto, a colaboración entre Intecmar e AESAN preséntase como unha garantía de futuro para unha das industrias máis emblemáticas de Galicia.