- Liderando desde Galicia, o proxecto Free LitterAT busca limpar o Atlántico de redes e microplásticos, coa colaboración de vinte e catro organizacións europeas.
O Centro Tecnolóxico do Mar (Cetmar) lidera unha iniciativa que conta coa participación de vinte e catro organizacións de España, Francia, Portugal e Irlanda, co obxectivo de contribuír á creación de comunidades costeiras libres de residuos mariños, con especial atención nas redes de pesca perdidas ou abandonadas e os microplásticos.
Durante o próximos tres anos e cun investimento que supera os 3,6 millóns de euros, levará a cabo este proxecto que busca mellorar a xestión e a reciclaxe dos residuos xerados pola actividade pesqueira e portuaria. Ademais, desenvolveranse ferramentas para identificar a orixe dos residuos que chegan ao mar, e traballarase na detección e eliminación de redes de pesca abandonadas no océano, así como na limpeza de praias en caso de verteduras, como o dos pélets.
O proxecto, denominado Free LitterAT, está a ser coordinado polo Cetmar e conta con financiamento da Unión Europea a través do Programa de Cooperación Transnacional Espazo Atlántico. Entre as entidades participantes atópanse o Instituto Tecnolóxico para o Control do Medio Mariño (Intecmar), a Universidade de Santiago e o Instituto Español de Oceanografía.