- A iniciativa Ecosistémica24 aposta por integrar ciencia e sector marítimo para abordar os retos ambientais e mellorar a sustentabilidade do marisqueo en Galicia
A sustentabilidade dos recursos mariños é un desafío crucial para o sector pesqueiro e marisqueiro galego, especialmente no contexto do cambio climático e a presión sobre os ecosistemas costeiros. Neste marco xorde Ecosistémica24, un proxecto que representa un modelo innovador de colaboración entre o sector marítimo, os centros de investigación e a administración pública para garantir a competitividade e sustentabilidade dunha actividade esencial para Galicia.
Liderado polo Centro de Investigacións Mariñas (CIMA) e en colaboración coa Federación Galega de Confrarías de Pescadores, Ecosistémica24 está financiado a través da Redemar,unha iniciativa creada pola Xunta en 2022 para conectar ao sector pesqueiro cos organismos científicos da rexión. O seu obxectivo principal é desenvolver un enfoque integral e ecosistémico que combine a investigación científica coa aplicación práctica na xestión do percebe.
Sete liñas de acción para un marisqueo sostible
Ecosistémica24 estrutúrase en sete liñas de traballo que abarcan desde aspectos biolóxicos e ecolóxicos ata a xestión de datos e a avaliación da biodiversidade. Entre as súas principais áreas de actuación destacan:
- Bioloxía pesqueira: Estudo da abundancia, dinámica poboacional e ecoloxía de especies crave do marisqueo
- Bioloxía reprodutiva: Investigación sobre ciclos reprodutivos, tamaños de maduración e fecundidade.
- Patoloxías: Seguimento do estado de saúde das poboacións para previr e xestionar enfermidades.
- Especies acompañantes e biodiversidade: Análise da diversidade en substratos duros e características da costa.
- Gestón de datos: Desenvolvemento de bases de datos harmonizadas para unha xestión eficiente.
Un aspecto fundamental do proxecto é a transferencia de metodoloxías e ferramentas ao persoal técnico das confrarías e administracións locais. Este enfoque asegura que o coñecemento xerado teña un impacto directo na xestión sostible do percebe e outros recursos mariños.
Innovacións para avaliar a saúde do litoral
Durante unha recente xornada organizada na sede da Federación Galega de Confrarías de Pescadores, os participantes exploraron novas metodoloxías desenvolvidas polo CIMA. Entre elas destaca un procedemento para medir a biodiversidade en substratos rochosos intermareales, unha ferramenta clave para avaliar a saúde dos ecosistemas costeiros e establecer indicadores de base para futuras estratexias de conservación.
Un modelo para seguir para o sector
O conselleiro do Mar, Alfonso Villares, cualificou a Ecosistémica24 como un modelo de colaboración efectiva entre ciencia e sector marítimo. Segundo Villares, este tipo de iniciativas son esenciais para afrontar os retos actuais e futuros do sector, consolidando a súa sustentabilidade e competitividade.
A capacidade de Ecosistémica24 para integrar ciencia, tecnoloxía e xestión práctica posiciónao como un referente na innovación marítima e unha ferramenta clave para garantir a saúde dos recursos mariños de Galicia. Nun momento onde os desafíos ambientais demandan solucións urxentes, esta iniciativa demostra que a colaboración e o coñecemento son as claves do futuro.